كفتة بالخضار

مرحبا الكم جميعا وكل عام وانتوا بخير رمضان كريم علينا وعليكم وينعاد عليكم بالصحة والبركة يارب
المفروض انا بديت معكم من اول يوم في رمضان...
وعندي اقتراح صغير انه شو رايكم كا واحد فينا يحط وصفة لاكلة معينة ومو شرط تكون بتحبها المهم وصفة وتكون زاكية لرمضان انا اليوم عندي صنية كفتة بالخضار وانشالله راح اتواصل معكم كل يوم بطبخة هو انا مو شبف بس عندي شوية خبرة وانتوا كمان بدي اشوف من عندكم وصفات ومن مختلف مناطق فلسطين بفرصة انه نتعرف على اكلاتنا الفلسطينية....

صنية الكفتة بالخضار

المقادير: كفتة مفرومة فرمة ناعمة- بطاطا مقطع دوائر-فليفلة حلوة - بصل مقطع جوانح-جزر-ملح- قرفة-فلفل اسمر

1- بدنا نحضر مقدار لحمة مفرومة فرمة كفتة مع بصل وبقدونس عند اللحام
2- بعد ما نجهز الكفتة بنرش ملح وقرفة وفلفل اسمر وشوية زيت زيتون وبنخلطهم مع بعض
3- بنقطع الكفتة لدوائر صغيرة وبنحطها في طنجرة على نار هادية كتير وبنغطي عليهم لمدة 20 دقيقة
4- بنضيف البصل والفليفلة والجزر والبطاطا فوق الكفتة وبنقلبهم على النار الهادية كمان وبنرش رشة ملح وفلفل اسمر.
5- بعد ما يتسبك الاكل كله مع بعضه بنوضعه في صينية
6- بنجهز هلأ في طنجرة فيها ماء وبنحط فيها مكعبين ماجي وبعد ما تغلى بنحط معلقتين صلصة بندورة
7- بنضيف مرقة الماجي مع البندورة الي جهزناها بس ما بنكتر..على صينية الكفتة وبنحطها بالفرن
وصحتييييين وعافية نلتقي بطبخة اخرى